Welcome to the the CNMI Carolinian Affairs Office
Tirow Lááng, Tirow Sáát, me Tirow Pwel! Iyeel ebwe le bweleta yasch ghal titilap fengal.
Tiroow me Faischo ngali ghami Towlap,
Ighi meseigh, bwe iyeel ebwele aschuu ghiisch me Bwiisch, Samasch, me Ilasch me schóó kka resalo arosch, bwe re loto me eew faluw. Iyeel mwoghutughut we yaasch, iwe I apasa mellól yaay titilap sangi raalil we Gobetno ye yaasch Governor Ralph DLG Torres me schelal (+) former Governor Eloy Inos, igha re amwóta yeey long llól bwulasiyo iye yaasch Refaluwasch. I titilapa bwe igha si kki mwete lló mwal, eew mwoghutughut iye ibwe ayoora yaasch nge yaasch website Refaluwasch, bwe sibwe tong fengal me sibwe apasa mwoghutul malawasch, kkosch me bwulasiyo iye yaasch.
Schóól angangaal Bwulasiyo ye yasch me non profit ikka eghal tepengi, aibwe aschoscho ffal itaasch Refaluwasch, bwe aibwe aghulegh ngali ghami meta kka na programa ebwe yoor bwe aibwe alisir aramaschasch. Sibwe kki shuu wóól website yeel, bwe sibwe ghuleey mwoghutghut me arongorong ikka ebwe yoor.
Iwe, Ighal tingóór ngali ghami towlap, bwe ngare sibwe mwalili, sibwe mangi bwe saabw ghiisch schaagh sibwe urri me araghi meta si titilapa.
Ila schagh Ghilisou me Olomwaay remi.